WALANG pakialam ang netizens kung mapuyat man sila sa pag- a abang sa airing ng seryeng Halik, dahil painit ng painit ang mga eksena sa pagitan ng mga bidang sina Jericho Rosales (as Lino), Yam Concepcion (as Jade), Sam Milby(Ace) at Yen Santos (Jackie).
Marami kasing nakaka-relate sa tila swapping na relasyon ng mag-asawang Jericho-Yam sa pares nina Sam at Yen, mala-changing partners ang peg.
Utang ng serye ang kanilang high ratings sa primetime sa mga hugot lines ng mga karakter na talaga namang swak na swak sa tema ng pakikiapid.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Nitong Martes ng gabi, sa November 20 episode, pinalakpakan ng netizens ang eksena nina Jericho at Yam dahil ang galing ng pag-arte ng dalawa at ng palitan nila ng salita. Pang-award, ‘ika nga.
Sa nakarang panayam kay Jericho, kung bidang-bida ang kanyang mga linya sa Halik, aniy, ilang sa mga linya na iyon ay improvised. Dagdag pa niya, ang mag eksena sa naturang serye ay kolaborasyon ng ideya ng staff at mga aktor.
“Pagdating du’n, sa creative, I am so blessed to be with a team and that’s the group of direk Ruel (Bayani of RSB Unit). “Actually pinapakinggan nila ‘yung comments ko sa script, comments namin sa script. Sometimes I speak for the team. Sometimes I speak for the people. Sometimes I speak for the directors. We all collaborate,” paliwanag ng aktor.
Sabi pa ni Jericho, “Being the man na kami ‘yung nagkakarga ng characters, so we have to dive in deep du’n sa characters namin and share our creative ideas and buti na lang ‘yung directors namin and the entire production listen, open sila makinig. Madalas kasi kami ni Yam magka-eksena eh, marami na kaming eksena ni Yam na improvise ‘yung lines.”
Tinanong ang aktor kung anu-ano ang mga linyang kanilang mas in-improve at mas pinaganda?
“Example ‘yung humingi [si Jade] ng annulment, ‘yung muntik ko siyang sampalin, ‘yung sinuntok [ni Lino] si Ace nang nahuli sa bar. Those are all improved, most of the lines came from the heart and the directors they all trust us when it comes to that kasi nga alam nila na alam namin ‘yung characters. All I can say is that I am so happy and I feel so honored to be on this kind of position,” sabi pa ni Jericho.
-ADOR SALUTA
