POSITIBO ang reaksyon ng Kapamilya fans at ng viewers sa balitang pagtatambalin ng ABS-CBN sa isang teleserye sina Richard Gutierrez at Bea Alonzo, sa 2019. Batay sa kanilang reaksyon, matagal nang hinihintay ng Kapamilya viewers ang pagtatambal ng dalawa, kahit noong nasa GMA-7 pa si Richard.
Nagkaroon ng pag-asa ang fans na matutuloy na ang tambalang Richard-Bea nang lumipat sa ABS-CBN si Richard. Bagamat si Angel Locsin ang unang nakasama ni Richard, hindi nawalan ng pag-asa ang fans ng dalawa na balang-araw ay magtatambal din ang mga iniidolo nila.
At heto na nga, under Star Creatives TV ang Richard-Bea project. Dahil hiwalay ang meeting ng dalawa, wala pa silang picture na magkasama. Nakalagay sa hashtag ang #ProjectIronHeart, na maaaring title ng Richard
