Ni JONATHAN HICAP
GAGANAPIN sa Manila ang Show Champion TV program ng MBC Music, sa ikalawang pagkakataon sa Oktubre 28 sa Mall of Asia Arena.
Ang mga K-pop artist na magtatanghal sa Manila show ay ang EXO, Weki Meki, MXM, The Boyz at Hyeongseop x Euiwoong.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Maliban sa EXO, ilan sa mga miyembro ng ibang male groups ay mga lumahok sa survival audition TV program na Produce 101 Season 2 gaya nina Ju Haknyeon ng The Boyz, Im Young-min at Kim Dong-hyun ng MXM, at Ahn Hyeongseop at Lee Euiwoong ng Hyeongseop x Euiwoong.
Nakipagtungggali sina Sei, Elly, Yoo-jung at Do-yeon sa Produce 101 Season 1, at naging bahagi ng temporary group na I.O.I.
Noong Setyembre 3, 2016 ginanap ang unang Show Champion sa Manila, ang ika-200 episode nito. Nagtanghal noon ang grupong BTS, B.A.P, VIXX, Astro, KNK, M&D, AOA, Sonamoo at Gugudan.
Ipinalalabas ang Show Champion nang live tuwing Miyerkules sa South Korea.
