SA kabila ng may ilan pa ring nangmamaliit sa role ni Kris Aquino sa blockbuster na ngayong Crazy Rich Asians, maraming kapwa celebrities at tagasuporta ang nagtatanggol sa kanya.

Naniniwala silang isa si Kris sa mga dahilan kaya pumatok sa Pilipinas ang nasabing Hollywood movie, na kinilala na ng Warner Brothers Philippines bilang “biggest opening weekend for a foreign/English rom-com of all time”.

“I think 95 % of the movie goers who watched Crazy Rich Asians wanted to see Kris Aquino. And when her scenes were shown there was a loud buzz inside the theatre. She still has that power to move,” saad sa Facebook post ni Dranreb Belleza.

Tsika at Intriga

'Magkagalit sila?' Dennis, Ruru 'di raw nagpansinan sa set ng 'Green Bones'

Higit pa diyan, mismong ang babaeng bida sa pelikula, si Constance Wu, na gumanap sa role ni Rachel Chu at nakadaupang palad ng karakter ni Kris bilang Princess Intan sa pelikula ang nagpahayag ng paghanga kay Kris sa isang interview.

“Oooohhh she’s (Kris) the queen. The queen of all media, you just know it when she’s walk in. She has such an impeccable style. She’s a great actress and kind,” sabi ni Constance.

Samantala, kasabay ng pambabara at pamba-block ni Kris sa ilang bashers niya sa Instagram, sinagot naman niya ang ilan na nagre-request na sana ay makasama uli siya sa sequel ng Crazy Rich Asians.

“Wag na tayo umasa, it is more than enough for me to have had this once in a lifetime blessing...was just feeling sentimental & nostalgic this week because how I wished my mom & dad could have been around to see their bunso fulfil her dream to portray a princess & speak of her mom’s last legacy, microfinance & economic empowerment for women.”