KASAL na si Ed Sheeran sa kanyang longtime girlfriend na si Cherry Seaborn.

Kinumpirma ng Perfect singer ang balita nitong Lunes sa panayam ng U.S. news show na Access Hollywood, iniulat ng Cover Media.

Nakikipagtsikahan si Ed sa reporter na si Scott Evans nang madulas siya sa big reveal, ipinaliwanag na hindi mahirap isekreto ang kanyang pagpapakasal dahil napakapribado naman niyang tao.

Blind Item

Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

Hindi na siya nagbigay ng detalye kung kailan at saan ginanap ang kasal.

Si Ed at ang kanyang asawa ay na-engage nitong New Year’s Eve at ibinahagi ng singer ang balita sa kanyang fans sa bibihirang Instagram announcement sa ilalim ng Polaroid photograph niya na niyayakap at hinahalikan si Cherry.

“Got myself a fiance (sic) just before new year,” isinulat niya. “We are very happy and in love, and our cats are chuffed as well.”

Napilitan si Ed na itanggi ang mga ulat na ikinasal sila ni Cherry noong Pebrero, matapos siyang makitang nakasuot ng ‘tila silver wedding band sa kanyang ring finger.

Sa panayam sa red carpet ng Brit Awards sa London, tinanong si Ed tungkol sa mga bali-balita ng pagpapakasal niya at sumagot na, “It’s an engagement ring.”

Tinanong din siya ng Sky News kung kailan sila ikakasal ni Cherry ngunit tumanggi ang singer na magbanggit ng posibleng wedding date, sumagot na, “It will be a situation like this where no one knows.”