Arestado ang isang lalaki dahil sa pagewang-gewang na pagmamaneho ng motorsiklo at mahulihan pa ng umano’y shabu sa Valenzuela City, kamakalawa ng umaga.
Sa panayam kay SPO2 Hector Presentacion ng Mapulang Lupa PCP 8, kinilala ang suspek na si Noven De Leon, 37, ng No. 3071 Sto. Rosario Street, Mapulang Lupa ng nasabing lungsod.
Ayon kay Presentacion, nasa drug watchlist ng Valenzuela Police si De Leon.
Sa imbestigasyon ni SPO2 Cristobal Duque, binabaybay ng suspek ang kahabaan ng Sto. Rosario, pasado 8:00 ng umaga.
50.78% examinees, pasado sa Nov. 2024 Licensure Exam for Agriculturists
Dahil napansin ni SPO2 Presentacion, sakay sa mobile, na pagewang-gewang ang takbo ng motorsiklo ay pinara niya si De Leon.
Hiningi ng pulis ang lisensiya ng suspek at doon nakita ang isang pakete ng umano’y shabu.
Kinasuhan si De Leon ng paglabag sa Sec 11 ng RA 9165 (Comprehensive Dangerous Drugs Act of 2002).
-Orly L. Barcala
