Laro ngayon

(Araneta Coliseum)

7:00 n.h. -- Ginebra vs San Miguel

PARA kay Ginebra coach Tim Cone, ang katunggaling San Miguel ang itinuturing na pinakamagaling na koponan sa kasalukuyan.

'Pikon daw?' UAAP fan na nag-dirty finger, agaw-eksena sa San Juan Arena!

At bilang challenger, kailangan nilang talunin ang Beermen para maabot ang pedestal at ngayon ang tamang pagkakataon sa Game 1 ng kanilang best-of-seven title series.

Kontra sa Beermen na may pinakamalakas na starting line-up, paborito ang koponan sa bawat conference na kanilang sabakan.

At para sa most decorated coach sa PBA history, sasabak sila sa pinakamatinding serye.

“You wanna have a great challenge? There’s nothing more challenging in our league than playing this San Miguel which might be the greatest team of all time,” ani Cone, na naghahangad ng kanyang ika-21 kampeonato sa liga.

“I mean, they could very well be the greatest team of all time.”

Ngunit, ngayong “ healthy” ang lineup ng Kings, at higit na gutom sa title, naniniwala si Cone na mabibigyan nila ng magandang hamon ang Beermen.

“So the challenge is out there for us. I think our guys are going to embrace it and we’re expecting a tough series,” wika nito.