Patay ang dalawang katao ha­bang sugatan ang tatlong iba pa sa karambola ng tatlong sasakyan sa Atimonan, Quezon, kahapon ng madaling araw.

Kinilala ang mga nasawi na sina Arnolfo Macaranas, 38; at John Er­ick Malacad, kapwa taga-Sta. Rosa City, sa Laguna.

Sugatan naman sina Tirzo Magistrado, Austine Perey, kapwa driver; at Silver Ligutan, pasahero ng cargo truck.

Sa ulat ng Quezon Provincial Police Office, naganap ang insi­dente sa New Diversion Road, Ba­rangay Sta. Catalina, Atimonan.

Probinsya

Tinatayang 132,000 pamilya, lumikas sa Eastern Visayas dahil sa super typhoon Pepito

Sa imbestigasyon, patungong Bicol ang tatlong sasakyan nang maganap ang insidente.

Nawalan umano ng preno ang delivery van (RBF-232) at sumal­pok sa kotseng minamaneho ni Magistrado.

Isa pang closed van (ABD 3270), na minamaneho ni Perey, ang sinalpok ng truck hanggang sa bumangga ito sa isang punon­gkahoy.

Habang isinusulat ang bali­tang ito, patuloy na ginagamot sa Doña Martha Hospital ang mga sugatan.