MUKHANG nagkabalikan na nga sina Justin Bieber at Hailey Baldwin.

Kamakailan ay naintriga ang publiko kung nagkabalikan na ang dalawa nang mamataang magkasama at makuhanan ng litrato sina Justin at Hailey sa Miami, Florida, at sa New York City.

Ngunit nitong Sabado, hindi na maitatanggi ang mga usap-usapan nang mamataan silang naghahalikan sa NYC, ulat ng Entertainment Tonight.

Tsika at Intriga

Maris, namundok matapos maeskandalo kay Anthony

Makikitang naghahalikan ang 24-taong gulang na singer at ang 21-anyos na model habang nakatanaw sa East River sa NYC, sa video na nakuha ng TMZ. Sumunod ay nakita ring nagme-make out ang dalawa sa Rockefeller Park.

Nitong Linggo, nag-post si Justin sa Instagram ng kanyang sarili habang nakikipag-usap sa isang batang fan, habang nakatayo sa gilid si Hailey suot ang isang floral dress.

Taong 2015 nang nagkaroon ng relasyon sina Justin at Hailey. Bago maglabasan ang kamakailan nilang “flirty outings” ay ibinahagi ng modelo ang estado ng kanilang relasyon nitong nakaraang buwan.

“Justin and I were friends for a long time,” aniya sa The Times UK. “I met him when I was really young and he was one of my best friends. Everybody knows that at a certain point in time that turned into something else, but that just happens when you’re 18, 19. It was what it was. We went through a long period of time when we weren’t friends. We didn’t speak for quite some time and there was a lot of weirdness that went on. We’ve moved past that.”