HATAW si Adama Diakhite sa natipang 30 puntos para sandigan ang defending champion Diliman College Blue Dragons sa 76-71 panalo kontra St. Francis of Assissi Doves sa senior division ng 24th Fr. Martin Cup Summer tournament sa St. Placid gym sa San Beda Mendiola Campus.
Nakuha ng Blue Dragons ang ikalawang sunod na panalo sa torneo na itinataguyod ng Cocolife.
Sa women’s action, nagwagi ang Enderun College Lady Titans, sa pangunguna ni Mary Grace Callang na kumana ng 15 puntos, kontra University of the Philippines Lady Maroons. Nag-ambag si Kate Marcos ng 11 puntos sa Lady Titans (3-0).
Ginapi ng National University, sa pangunguna ni Samantha Harada na may 11 puntos, ang University of Santo Tomas, 79-51.
Tatay kay Karl Eldrew: 'Tahimik mong ipanalo mga pangarap mo, dito kami ng Mama mo!'
Umiskor din sina Jack Danielle Animam, Flory Ceno at Nabalan ng tig-11 puntos para sa ikalawang panalo sa tatlong laro ng NU.
Nauna riro, kumubra si Kean Baclaan ng 21 puntos para sa defending champion San Sebastian Staglets, 83-70, kontra First City Providential College of Bulacan sa junior division.
Kumubra si Rafael Are ng 15 puntos para sa Staglets.
Sa iba pang laro, nagwagi ang Paco Catholic Foundation sa San Beda-Rizal B, 67-55, habang namayani ang St. Patrick School sa San Beda-Manila, 97-71.
