ZAMBOANGA CITY - Kumi­ta umano ang bandidong Abu Sayyaf Group (ASG) sa pagdukot sa dalawang babaeng pulis na pi­nalaya ng mga ito nitong Martes.

Ito ang ibinunyag ng isang reliable source, na tumangging magpabang­git ng pangalan, na nagsabing nagbayad ng P2.5 milyon ang mga kaanak nina Police Officers 1 Bien­rose Alvarez at Dinag Gumahad. Pinakawalan ang dalawang pulis sa magkakahiwalay na lugar sa Talipao, Sulu, nitong Martes ng umaga at gabi, ayon sa pagkaka­sunod.

Nauna nang naiulat na nasa likod ng pagdukot ang grupo ni Injam Yadah, na nauna nang hu­mihingi ng P5 milyong ransom.

Sina Alvarez, nakatalaga sa Engineering Service Division ng Regional Logistic Division ng Re­giona Police Office 9; at Gumahad, nakatalaga sa Midsalip Municipal Police Station-Zamboanga de Sur, ay tinangay ng mga armadong grupo habang sakay sa isang tri­cycle nitong Abril 29.

Probinsya

Tinatayang 132,000 pamilya, lumikas sa Eastern Visayas dahil sa super typhoon Pepito

Nauna nang naiulat na pinan­gasiwaan ng isang lider ng Moro National Liberation Front (MNLF), na sinasabing kadikit ni dating Sulu Governor Abdusakur Tan, ang negosasyon sa kalayaan ng dalawang pulis.