Ni Bella Gamotea
Magandang balita para sa mga motorista.
Inaasahang magpapatupad ng oil price rollback ang mga kumpanya ng langis ngayong linggo.
Posibleng bumaba ng 50 hanggang 60 sentimos ang presyo ng kada litro ng kerosene, habang 30- 40 naman sa diesel at gasolina.
VP Sara, tahasang iginiit na hindi niya binoto si Romuadlez
Ang napipintong bawas-presyo sa petrolyo ay bunsod ng pagbaba ng presyuhan ng langis sa pandaigdigang pamilihan.
Sa apat na sunod na oil price hike kada linggo, partikular na nitong Abril 3, 17, 24, at Mayo 1, umabot sa kabuuang P3.15 ang itinaas sa presyo ng kerosene;P2.90 sa diesel; at P2.50 naman sa gasolina.
Nitong Marso 13, huling nagpatupad ng oil price rollback na P1.20 sa kada litro ng kerosene; 55 sentimos sa diesel; at 35 sentimos sa gasolina.
