Ni Lyka Manalo
BATANGAS – Tatlo ang iniulat ng pulisya na nalunod sa magkakahiwalay na insidente sa lalawigan ng Batangas nitong Biyernes Santo.
Dakong 9:00 ng umaga nang matagpuan sa ilalim ng dagat si Eljon Eragan na naisugod pa sa Jabez Hospital sa Nasugbu ngunit dead-on-arrival na ito.
Lumangoy umano si Eragan, kasama ang kaanak ng live-in partner nito sa dalampasigan sakop ng Barangay Calayo nang malunod.
Tinatayang 132,000 pamilya, lumikas sa Eastern Visayas dahil sa super typhoon Pepito
Nalunod naman si Kerby Sanchez sa Avida Swimming Pool, Barangay San Antonio, Sto. Tomas dakong 1:30 ng hapon.
Matapos ang ilang oras na search-and-retrieval operations ay natagpuan ang bangkay ni Alvin Almendral, sa Taal Lake na bahagi ng Barangay Poblacion 4, Laurel.
Dakong 6:00 ng gabi nang mag-dive sa lawa ang biktima at hindi na lumutang.
