Ni Leandro Alborote
LA PAZ, Tarlac - Isang bank collector ang natangayan ng P26,000 matapos umano itong holdapin ng riding-in-tandem sa La Paz- Concepcion Road sa Barangay Rizal, La Paz, Tarlac, nitong Martes ng tanghali.
Kaagad na nagreklamo sa himpilan ng pulisya si Khalil Renzo David, 23, may asawa, ng Purok Castro, Bgy. San Nicolas Balas, Concepcion, Tarlac.
Aniya, bitbit niya ang kanyang koleksiyon at dadalhin na sana niya ito sa kanilang bangko nang holdapin siya ng dalawang lalaking nakamotorsiklo at armado ng baril.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Nangyari ang insidente habang kumakain umano si David sa isang establisimyento sa nasabing lugar.
