Ni Genalyn D. Kabiling
Nangako ang gobyerno na gagamiting mabuti ang sobrang kita mula sa national budget para pondohan ang infrastructure projects at mapabuti ang social services.
Naglabas si Presidential Spokesman Harry Roque ng pahayag matapos batiin ang budget surplus na ipinaskil ng gobyerno nitong Enero sa implementasyon ng Tax Reform for Acceleration and Inclusion (TRAIN) law.
Nagtala kamakailan ang budget ng bansa ng P10.2-bilyon surplus sa simula ng taon, mas mataas sa P2.2 bilyong sobrang budget na naitala noong Enero 2017, sa paglagpas ng revenue collection sa public spending.
Mga Pinoy na ilegal na naninirahan sa Amerika, binalaan ng PH Ambassador
“We are pleased to announce that government revenues grew at a faster pace during the first month of this year, owing to the full implementation of the Tax Reform for Acceleration and Inclusion (TRAIN) Act,” saad sa pahayag ni Roque.
“We assure our people that a significant part of the revenues we raise will be put to good use to support the much needed infrastructure to spur development in the whole country and fund various social protection programs on health, education, housing, among others,” dugtong niya.
Nitong Enero 2018, ipinaliwanag ni Roque na ang malakas na revenue growth ang nagbigay-daan para maabot ng gobyerno ang P10.2-B budget surplus “which is almost five times higher than the recorded surplus a year ago.”
