Ni Liezle Basa Iñigo
Binawian ng buhay ang isang 76-anyos na lalaki makaraang manikip umano ang dibdib at kinapos ng hininga matapos mag-check-in sa isang motel sa Mangaldan, Pangasinan kasama ang isang 23-anyos na babae, nitong Sabado ng umaga.
Ang biktima ay kinilalang si Domingo Basilio Doot, taga-Barangay Gueguesangen, Sta. Barbara, Pangasinan.
Sa inisyal na ulat ng pulisya, nangyari ang insidente makaraang mag-check-in sa Happy Inn sa Bgy. Guilig, Mangaldan, si Doot, dakong 9:30 ng umaga.
VP Sara sinabing si Romualdez ang gustong pumatay sa kaniya
Nabatid na kasama ng matanda nang mag-check-in ang isang Rubelyn Cerezo dela Cruz, 23, ng Bgy. Alitaya, Mangaldan, Pangasinan.
Makalipas ang isang oras ay bigla umanong nakaramdan ng paninikip ng dibdib ang biktima kaya dali-daling tinawag ni dela Cruz ang roomboy upang dalhin ang lalaki sa pagamutan, subalit dead on arrival ito.
