Ni Jeffrey Damicog
Ibinasura na ng Department of Justice (DoJ) ang drug complaint laban sa hinihinalang drug lord na si Peter Lim at sa iba pa niyang kapawa akusado, kabilang si Rolan Kerwin Espinosa, Jr.
Sa 41-pahinang ruling, tinukoy ng DoJ ang mga kasong isinampa ng Philippine National Police-Criminal Investigation and Detection Group-Major Crimes Investigation Unit (PNP-CIDG-MCIU), katulad ng paglabag ng mga akusado sa Section 26(b) ng Comprehensive Dangerous Drugs Act (RA 9165).
Bukod kina Lim at Espinosa, pinawalang-sala rin sa kaso ang convicted drug lord na si Peter Co, sina Lovely Impal, Marcelo Adorco, Max Miro, Ruel Malindangan, Jun Pepito, at iba pang nakilala lamang sa kanilang mga alyas na “Amang”, “Ricky”, “Warren”, “Tupie”, “Jojo”, “Jaime”, “Yawa”, “Lapi”, “Royroy”, “Marlon”, at “Bay”.
UP, top university pa rin sa Pinas; Iba pang paaralan sa bansa, pasok sa Asian ranking!
Matatandaang ibinatay ng PNP ang reklamo nito sa sinumpaang-salaysay ni Adorco, na naaresto sa buy-bust operation sa Albuera, Leyte, noong Hulyo 8, 2016.
“Assessing Adorco’s allegations in his affidavits, we, however, find the same unworthy of consideration,” saad sa resolusyon ng DoJ na pirmado nina Assistant State Prosecutors Michael John Humarang at Aristotle Reyes, na may approving signature nina Acting Prosecutor General Jorge Catalan Jr. at Senior Assistant State Prosecutor Rassendell Rex Gingoyon.
“His testimonies are rife with inconsistencies and contradictions, and run against the standards of human experience and the logical course of reality,” bahagi pa ng DoJ resolution.
