Ni Marivic Awitan

NAKATAKDANG idaos ng National Chess Federation of the Philippines (NCFP) ang Mindanao Leg ng 2018 National Age Group Chess Championships sa Marso 23-25 sa Baywalk Hotel sa Mati City, Davao Oriental na magsisilbing qualifying tournament para sa ASEAN Chess Championship sa Davao City sa Hunyo.

Inorganisa ng Chess Events Internationale, ang tatlong araw na event ay hinati sa 10 categories—na kinabibilangan ng 20-and-Under for girls and boys, 18-Under for girls and boys, 16-Under for girls and boys, 14-Under for girls and boys, 12-Under for girls and boys, 10-Under girls and boys at ang 8-Under girls and boys.

“We are honored to have been given the chance to host this event, which is the very first of its kind to be held here in our city,” pahayag ni Mati Mayor Carlo Rabat.

'Pikon daw?' UAAP fan na nag-dirty finger, agaw-eksena sa San Juan Arena!

Ang magwawagi sa bawat divisions ay direktang uusad sa ASEAN Chess Championship kung saan nakataya ang mga FIDE Master titles at International Master norms.

May mga nakataya ding cash prizes at mga medalya para sa top 10 finishers ng bawat kategorya.