Ni Reggee Bonoan
MUKHANG sinusubok sa Singer 2018 ang pambato ng Pilipinas.
Sa episode six ay medley ng Mandarin songs ang kinanta ni KZ Tandingan at nakuha niya ang ikaanim na puwesto. Hindi siya napauwi o napatalsik sa competition dahil mataas ang score niya sa episode five bilang number one.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Nitong nakaraang Biyernes sa episode seven, muli na namang nasubok ang galing ni KZ dahil biglang pinapalitan ang kakantahin sana niya noong gabi bago ginanap ang paligsahan kaya na-stress nang husto ang dalaga.
“Actually, nagpalit lang sila ng kanta the night before, so medyo nagulantang ako,” sabi ni KZ. “Pero, at least, ‘yung ‘pinalit na kanta, medyo alam ko. Kaya lang, ‘pinabago pa rin nila ‘yung arrangement, so parang 6 AM nag-aareglo pa kami para lang meron akong makanta nu’ng gabi.”
May bagong pasok na challenger sa episode seven kaya nanibago ang lahat. At dahil sa biglaang pagpapalit ng piyesa ay ini-request ni KZ ang gitarista niyang si Macoy Portado sa kanyang performance para hindi na siya mahirapang mag-rehearse dahil kapado na nila ang isa’t isa.
“Mas naging komportable kasi. Kumbaga, may connection ba, na kahit magtinginan lang kami, alam na namin kung saan na kami pupunta.”
Napakaganda pa rin ng rendition ni KZ sa Say Something in acoustic version kaya muli niyang napahanga ang Chinese audience, ang bumoto sa kanya para makuha niya ang rank four.
Kaya hindi nalaglag, nasa top four pa rin ang Pinoy’s pride at muli siyang aabangan sa episode eight.
Samantala, nag-post naman ang manager ni KZ na si Erickson Raymundo ng video performance ng singer sa episode seven:
“I am proud to share with you KZ’s version of Say Something for Singer 2018 episode 7. KZ prepared a different song for this episode and the arrangement for that song came from the Philippines. Hunan Broadcasting System (HBS) decided last minute to change the song (Come Together ng The Beatles) because they felt the song is not well known in China and asked KZ to perform Say Something instead since this is one of the songs she performed during audition that really left a mark on them. We had to fly Macoy (her guitarist) last minute for this and she only got to rehearse this song on the day of the recording but still delivered an awesome performance.”
