Ni LITO MAÑAGO
ABS-CBN ang network na pinakarami ang nanood na network sa parehong urban at rural homes sa buong bansa noong 2017 sa nakamit na national audience share na 46% na 12 puntos ang lamang sa 34% ng GMA, ayon sa survey data ng Kantar Media.
Namayagpag ang ABS-CBN sa mas maraming tahanan sa bawat bahagi ng bansa simula Enero hanggang Disyembre ng nakaraang taon, partikular na sa Metro Manila na 40% ang nakuhang average audience share laban sa 29% ng GMA. Tinutukan din ang mga palabas ng Kapamilya Network sa Total Balance Luzon na ang average audience share ay 48%, kumpara sa 36% ng GMA, sa Total Visayas na nakapagrehistro ng 53% na tinalo ang 28% ng GMA, at sa Total Mindanao na nakakuha naman ng 53% laban sa 31% ng GMA.
Kinakatawan ng Kantar Media ang 100% ng mga manonood ng telebisyon sa buong bansa sa paggamit ng nationwide panel size na 2,610 na urban at rural homes.
Pagpapakasal dahil lang sa anak, 'di bet ni Janella Salvador
Patuloy na nanguna sa national TV ratings ang ABS-CBN noong Disyembre sa nakamit na average audience share na 45%, kumpara sa GMA na mayroon lamang 34%.
Sa mahigit dalawang taong pag-ere sa telebisyon, hindi pa rin natitinag ang FPJ’s Ang Probinsyano na malugod pa ring sa naitalang average national TV rating na 38.6%.
Sinundan ito ng reality-talent show na Your Face Sounds Familiar Kids na nagkamit ng average national TV rating na 35.7%.
Nakiisa rin ang sambayanan sa katuparan ng mga kabataang boses ang puhunan sa kauna-unahang edisyon sa Asya ng The Voice Teens na nakakuha naman ng 34.4%.
Inabangan ang pagbabalik-telebisyon ng tambalan nina Kathryn Bernardo at Daniel Padilla sa La Luna Sangre (33.8%) na kinasabikan din dahil sa muling pagsasama nina Angel Locsin at Richard Gutierrez.
Nananatili namang numero unong newscast sa bansa ang TV Patrol (31.3%) na nagdiwang ng ika-30 anibersaryo.
Hinangaan din ng mga manonood ang kakaibang galing at talino ng mga bata sa Little Big Shots (31.1%).
Patok din ang mahika at aral na hatid ng Wansapanataym (29.8%) tuwing Linggo ng gabi. Nagbigay naman ng inspirasyon ang Maalaala Mo Kaya (29.6%) sa ika-25 na taon nito sa telebisyon at patuloy na inaantig ang mga manonood sa totoong kuwento ng letter senders.
Tinutukan din ang kuwento ng kabutihan at pagmamahal sa My Dear Heart (27.6%) at ang kwento ng wagas na pag-ibig sa Magpahanggang Wakas (25%).
Pasok din sa top 20 ang Home Sweetie Home (24.2%), Wildflower (23.8%), Goin’ Bulilit (22.1%), Kapamilya Weekend Specials (Sunday) (19.6%), Rated K (19.2%), at It’s Showtime (18.6%).
Samantala, ABS-CBN din ang nanguna sa bawat time blocks sa buong araw mula Enero hanggang Disyembre 2017, partikular na sa primetime sa pagtala nito ng average audience share na 50%, o kalahati sa mga Pilipinong manonoood sa bansa at 18 na puntos na lamang sa GMA na may 32%.
Tinutukan din ang ABS-CBN sa morning block (6AM-12NN) sa naitalang 39% kumpara sa 32% ng GMA; sa noontime block (12NN-3PM) -- 45% laban sa 36% ng GMA; at sa afternoon block (3PM-6PM) -- 43% na tinalo ang 38% ng GMA.
