SANTA IGNACIA, Tarlac - Anim na katao ang inaresto ng mga pulis makaraang maaktuhan umano na naglalaro ng drop ball sa Barangay Santa Ines West sa Santa Ignacia, Tarlac, nitong Huwebes ng gabi.
Kinilala ni SPO1 Ronald Salcedo ang mga inaresto na sina Phil Aries Daenos, 35; Romeo Lagasca, 73; Rubin Macadangdang, 44, may asawa; Rodolfo Castro, 64, pawang ng Bgy. Sta. Ines Centro, Sta. Ignacia; Carlo Tamayo, 20, ng Caloocan City; at Leonora Castillo, 67, ng Bgy. Tariji, Tarlac City.
Napag-alaman na dakong 10:30 ng gabi nang ikasa ng pulisya ang operasyon kontra ilegal na sugal sa nasabing lugar at naaktuhan umanong naglalaro ng drop ball game ang mga suspek—na kakasuhan ng illegal gambling. - Leandro Alborote
Probinsya
