NAKATAKDA nang magtagpo ang landas ni Super Ving (Awra) at ng lider ng kasamaan na si Reptilya (Bianca Manalo) sa kanilang umaatikabong bakbakan sa Wansapantaym Presents: Amazing Ving ngayong gabi.
Lumalakas pang lalo ang puwersa ni Super Ving dahil mas maraming tao na ang naililigtas niya, maging ang mga naging kaaway niyang sina Warren (Marco Gallo) at Chelsea (Kisses Delavin) na sinagip niya sa pagkakalunod.
Ngunit habang dumarami ang mga humahanga, lalong nagngingitngit sa galit ni Reptilya dahil sunud-sunod ang pagkasira ng mga plano nitong paghahasik ng lagim. Kaya ito na mismo ang haharap sa superhero at ipatitikim dito ang bagsik upang ipaalam sa lahat kung sino ang pinakamakapangyarihan sa buong mundo.
Ang mayamang tradisyong tatak ng 'Paskong Pinoy'
Makayanan kaya ni Super Ving ang paparating na mga panganib? Mapanatili kaya niyang ligtas ang kanyang mga mahal sa buhay laban kay Reptilya?
Kasama rin sa Wansapanataym Presents: Amazing Ving sina Carmi Martin, Roderick Paulate, Ria Atayde, AC Bonifacio, at Ellen Adarna, mula sa direksiyon ni Alan Chanliongco.
