Ni: PNA
KUALA LUMPUR – Nabokya ng Philippines ang Malaysia, 2-0, nitong Lunes para makausad sa championship round ng 29th Southeast Asian Games men’s team squash competition dito.
Ginapi ni Robert Andrew Garcia si Ng Eain Yow, 11-8, 11-3, 11-7 sa first match, habang naghabol nang todo si Juan Rafael Yan kontra Darren Rahul Pragasam, 6-11, 11-8, 11-7, 4-11,11-8, sa semifinal match sa National Squash Centre in Bukit Jalil.
Makakaharap ng Team Philippines ang Singapore sa championship match sa Martes ng hapon.
'Pikon daw?' UAAP fan na nag-dirty finger, agaw-eksena sa San Juan Arena!
Umusad ang Singapore kontra Indonesia, 2-0.
Nanaig si Benedict Chan Jia Wei kontra Ade Furkon, 11-5, 11-6, 8-11, 11-8, habang kumabig si Pang Ka Hoe kay Eris Setiawan, 11-3, 11-6, 11-6.
Sa women’s division, nabigo ang Philippines sa Singapore, 1-2, para malaglag sa bronze medal.
Nanalo si Jemyca Aribado kay Sneha Sivakumar, 11-9, 11-8, 11-8, ngunit nabigo si Isabella Gotuaco kay Chua Ying Li Pamela, 3-11, 8-11, 3-11, gayundin si Yvonne Alyssa Dalida kay Au Yeong Wai Yhann, 2-11, 8-11, 6-11.
