NI: Marivic Awitan
Mga Laro Ngayon
(Ynares Sports Arena)
3 n.h. -- CEU vs Flying V
Carlos Yulo, sumilip sa live selling ng ina?
5 n.h. -- Cignal HD vs Marinerong Pilipino
SAKABILA nang pagiging No.2 seed, aminado si Cignal HD coach Boyet Fernandez na dehado ang kanyang tropa sa Marinerong Pilipino sa Game One ng kanilang best-of-three semifinals series ngayon sa 2017 PBA D-League Foundation Cup sa Ynares Sports Arena sa Pasig City.
“If you look at it, we’re the underdog. We lost to Marinero twice: one practice game, one in the eliminations,” ayon kay Fernandez kasabay ng pagbabalik-tanaw sa natamo nilang 65-66 na kabiguan sa Skippers noong Hunyo 8.
Bukod dito, nariyan din ang pagkakadagdag ng mga manlalarong sina Robbie Herndon at Renzo Subido sa roster ng kanilang karibal.
“They have a totally different line-up from the day we first faced them,” aniya.
Nakatakda ang duwelo ganap na 5:00 ng hapon.
Sa isa pang semifinals pairings, magkakarap ang walang talo at top seed Flying V kontra sa No.4 squad Centro Escolar University ganap na 3:00 ng hapon.
