AKSIYONG umaatikabo ang matutunghayan sa paglarga ng semifinals ng kauna-unahang BNTV Cup 7-Stag Derby simula ngayon.
Itinataguyod ng Thunderbird Bexan XP & Thunderbird Platinum, ang “early bird competition” na ito ay pinapangunahan nila Joey Sy, Eddie Boy Ochoa at mga bumubuo ng Bakbakan Na tv program.
Para sa mga nag-2-stag elimination sa Abucay, Bacolor; Pampanga & Tarlac, ang kanilang 2-stag semis ay sa Bacolor Cockpit sa Pampanga ngayon.
Para sa mga naglaban sa Texas Cockpit sa Antipolo, Antipolo; San Roque Cockpit sa Markina; Montalban Cockpit sa Rodriguez, Rizal at sa Arena de Morong, Rizal, ang kanilang semis ay sa Texas Cockpit bukas.
Elasto Painters, nakabawi sa Beermen matapos ang 11-game losing streak; June Mar, nabutata!
Ang mga nag-qualify mula sa mga eliminasyon sa Little Coliseum in San Pablo; Lucena Cockpit, Metro Darasa sa Batangas , Balagtas Complex Cockpit in Bulacan, Calaca Cockpit Arena sa Batangas at Milaor Cockpit Arena sa Camarines Sur maghaharap sa Metro Darasa, Batangas bukas.
Sa Agosto 11, ang Del Monte Cockpit ang magiging lugar ng labanan para sa mga nakalusot mula sa Sta. Maria, Bulacan; Sta. Monica Cockpit sa Novaliches: Malolos Cockpit at La Loma Cockpit.
Para naman sa mga nag-qualify mula sa Dasma Coliseum, New Las Piñas Coliseum at Imus Sports Arena ang kanilang semis ay magaganap sa Dasma Coliseum sa Agosto 11.
