NI: Marivic Awitan
NAKAMIT ng TAGUM-PNP, Southwestern University at University of Negros Occidental-Recoletos ang nakalaang mga spots sa women’s national beach volleyball pool makaraang tumapos na top 3 sa BVR on Tour National Championship nitong weekend sa Anguib Beach sa Sta. Ana, Cagayan.
Tinalo ng tambalan nina Karen Quilario at Lot Catubag ng Tagum ang UNO-R pair nina Erjane Magdato at Alexa Polidario, 21-10, 21-12, habang pinataob ng pareha nina Dij Rodriguez at Therese Ramas ng Cebu ang kambal ng San Beda na sina Nieza at Ella Viray, 21-13, 21-16,para maangkin ang unang dalawang national pool berths matapos ang semifinals.
Ang huling spot ay napunta kina Magdato at Polidario na nanaig kontra sa Viray twins, 17-21, 21-12, 15-9, sa kanilang bronze medal match.
'Pikon daw?' UAAP fan na nag-dirty finger, agaw-eksena sa San Juan Arena!
Ang tatlong pareha ay makakasama sa national training pool para sa Southeast Asian beach volleyball championships sa Singapore sa susunod na buwan.
Pormal namang inangkin nina Quilario at Catubag ang women’s championship matapos igupo sina Rodriguez at Ramas sa Finals, 21-7, 21-19,.
Sa men’s division, napunta naman ang national beach volleyball pool slots kina Jade Becaldo at Rommel Pepito ng Cebu at University of Santo Tomas’ bets KR Guzman at Anthony Arbasto.
