Ni JIMI ESCALA
NAPAPANATILI ng seryeng Wildflower ang pagiging numero uno. Kaya tuwang-tuwa ang cast sa pangunguna ng bidang si Maja Salvador at kasama sina Sunshine Cruz, Aiko Melendez, Roxanne Barcelo, Tirso Cruz III, Wendell Ramos, Dominic Roco, Vin Abrenica at maraming iba pa.
Pero ang talagang masayang-masaya, hindi lang para sa programa kundi para na rin sa kanyang sarili, ay ang isa sa mga kontrabida na si Roxanne.
ALAMIN: Ano nga ba ang EBET Law na pinirmahan ni PBBM
Hindi na bago kay Roxanne ang pagganap bilang kontrabida, ilang beses na niya itong ginawa sa iba’t ibang teleserye.
Kaya alam na niya na effective ang trabaho niya kapag mas marami ang nagagalit na televiewers sa kanya.
Ikinatutuwa ni Roxanne kapag marami ang naaasar sa kanya kapag lumalabas siya.
“Bago pa naman itong Wildflower, naging kontrabida rin ako sa Bakit Manipis Ang Ulap directed by Direk Joel lamangan,” sabi ng dalaga.
Pero magkakaiba raw ang atake niya sa contravida roles na ibinibigay sa kanya. Mas kakaiba ang ginagawa niya sa Wildflower.
“’Di ko naman sinasabing sanay na sanay na akong maging kontrabida, but I can say this is a very challenging role that I am so challenged. And I always do my best,”seryosong lahad ni Roxee.
Marami na ang natatanggap niyang magagandang mensahe ng papuri sa mula sa regular viewers ng Wildflower.
“Sa totoo lang naman, eh, ilang beses ko na ring napakinggan mismo ang sinasabi nila na naiinis sila sa role kabilang si Nathalie, pero pakinggan ko rin naman daw ang binanggit ng mga tao na nagmamahal sa akin,” aniya.
Ang ganitong mga komento ay ikinatataba ng puso ni Roxanne, pati na ang magagandang review hinggil sa serye nila.
“Like for example in Instagram, I have followers who followed me and then sabay-sabay kami na they know how great I felt and how amazing of what I feel nu’ng finally ako ang pumasa sa nasabing role ko ngayon sa Wildflower,” sey ng magandang aktres.
Samantala, bukod sa Wildflower ay tapos na rin ni Roxanne ang indie film na I Found My Heart in Santa Fe na sa Bantayan Island kinunan. Ang boyfriend niyang si Will Devaughn ang co-producer ni Roxanne sa nasabing pelikula.
