Ni JIMI ESCALA
WALA pang pormal na kumpirmasyon mula mismo sa dalawa pero may nagkuwento sa amin na malakas daw ang kutob niya na magkasintahan na sina Rayver Cruz at Janine Gutierrez, ang anak nina Lotlot de Leon at Ramon Christopher.
Banggit ng source namin na malapit sa pamilya Cruz, madalas nilang nakikita na magkasama sina Rayver at Janine sa mga lakaran. Although may kasamang mga kaibigan, kapuna-puna raw na sweet na sweet sa isa’t isa sina Rayver at Janine.
Classic movie ‘Ipaglaban Mo!’, ipinalabas ng CCP bilang kampanya vs VAWC
Kamakailan nga raw ay magkasama ang dalawa nang manood ng Wonder Woman sa Powerplant sa Rockwell, Makati at magka-holding hands pang pumasok sa sinehan.
Tanggap na tanggap ng pamilya Cruz si Janine lalo na’t nakikita nilang napakasaya at inspirado ngayon si Rayver.
Matagal na rin namang walang karelasyon si Rayver Cruz, na matatandaang si Cristine Reyes ang huling girlfriend. Kaya ayon sa source, matagal nang naka-move on si Rayver sa hiwalayang ‘yun.
Sa pagkakaalam namin, mahigit isang taon na ring hiwalay si Janine sa dating nakarelasyon na si Elmo Magalona na mukhang super in love na sa ka-love team na si Janella Salvador.
