Nietes, target maging three-division world titlist-Balita

TATANGKAIN ni two-division world titlist Donnie Nietes na makuha ang ikatlong dibisyon sa boksing sa pagkasa kay Komgrich Nantapech ng Thailand sa Abril 29 sa Waterfront Cebu City and Hotel Casino sa Cebu City para sa bakanteng IBF flyweight crown.

Sa ika-40 edisyon ng Pinoy Pride ng ALA Promotions na binansagang “Domination,” nangako si Nietes na patutulugin si Nantapech upang maging ikatlong Pilipino na three-division world titlist matapos sina eight-division champion Manny Pacquiao at five-division world beltholder Nonito Donaire, Jr..

Taglay ni Nietes ang karangalan bilang pinakamatagal na naging kampeong pandaigdig nang tuloy-tuloy na dating hawak ni WBC junior lightweight champion Gabriel “Flash” Elorde at nalagpasan niya noong 2016 nang bitiwan ang WBO light flyweight crown.

Huling natalo si Nietes noong Setyembre 28, 2004 sa kontrobersiyal na 10-round split decision kay two-time world title challenger Angky Angkota nang magsagupa sila sa Jakarta na overweight ng anim na pounds ang Indonesian.

“I feel ready for the fight on April 29,” sabi ni Nietes sa Fightnews.com. “I have a very good feeling about this fight, because I’ve trained longer. I put in more time and focus, because I want to give a good performance. This is only my second flyweight match, but I’m confident I will be able to deliver a knockout.”

Nangako naman si Nantapech na gagamitin ang kanyang pagiging eksperto sa Muay Thai boxing para ma-upset si Nietes na hindi pa natatalo sa mga boksingero mula sa Thailand.

May rekord si Nantapech na 22-3-0 win-loss-draw na may 15 panalo sa knockouts at huling natalo noong Oktubre 26, 2013 sa puntos sa Pilipinong si Froilan Saludar sa Makati City.

Bukod kay Nietes, nag-aambisyon ding maging three-division world titlist si dating IBF light flyweight at flyweight champion Johnriel Casimero na nakalistang No. 4 sa IBF at No. 8 sa WBC sa super flyweight division. (Gilbert Espeña)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...