Inanunsyo ng Singapore Embassy in Manila na tumulong ang nasabing bansa upang makauwi ang 24 na mga Pilipino mula sa Jeddah, Saudi Arabia nitong Biyernes, Marso 13.
Kaugnay ito sa banta at takot na nararanasan ng mga Overseas Filipino Workers (OFWs) sa Gitnang Silangan, bunsod ng lumalalang tensyon sa pagitan ng Amerika, Israel, at Iran.
Ayon sa ibinahaging ulat ng embahada nito ring Biyernes, Marso 13, lulan ng Singapore Air Force A330 Multi-Role Tanker Transport aircraft ang mga nasabing balikbayan.
Anila pa, masaya raw sila na natulungan nila ang mga Pinoy na mula sa Saudi Arabia, sa tulong ng ilan pang mga ahensya.
“After prioritising seats for Singaporeans on the flight, we were happy to welcome our Filipino friends aboard through close coordination with the Department of Foreign Affairs [DFA], Republic of the Philippines, and the Philippine Consulate General in Jeddah,” anang embahada.
“Moments like these remind us what it truly means to be good neighbours: standing together and lending a hand in times of need, just as other countries have supported Singaporeans in the past,” dagdag pa nila.
“We are truly glad to have helped these 24 Filipinos begin their journey home safely to reunite with their families,” pagtatapos ng embahada.
Babaeng nagtago ng shabu sa maselang bahagi ng katawan para maipuslit sa kulungan, timbog!
Samantala, tiniyak naman ng DFA na tutulungan nila ang mga nakauwing mga Pinoy, pati na rin ang ilan pang mga OFWs na piniling manatili sa ibang bansa.
“The Department of Foreign Affairs, Republic of the Philippines, along with its partner agencies, remains committed to providing assistance to kababayans in distress,” mababasa sa pahayag ng Philippine Embassy in Singapore.
