3 timbog, 2 bata nasagip sa pambubugaw

March 28, 2017

Sabay-sabay inaresto ng National Bureau of Investigation (NBI) ang tatlong katao habang nasagip ang dalawang bata mula sa sex trafficking operation sa Taguig City.

Kinilala ng NBI ang mga naarestong suspek na sina Danica Bucaling, Mary Ann Buan, at Jayvy Badeo.

Kumagat ang tatlo sa ikinasang entrapment operation ng NBI-Anti-Human Trafficking Division (NBI-AHTRAD) sa isang hotel sa Bonifacio Global City, Taguig City noong Marso 20.

Sa nasabing operasyon, nasagip ang anak na babae ng isa sa mga suspek at kanyang pinsan. Sila ay pito at 15 taong gulang.

Ayon sa NBI, kinasuhan ang tatlong suspek ng paglabag sa Republic Act 7610, ang Special Protection of Children Against Abuse, Exploitation and Discrimination Act; at R.A. 10175, ang Cybercrime Prevention Act of 2012.

Nag-ugat ang operasyon matapos makatanggap ng impormasyon ang NBI mula sa Immigrations and Customs Enforcement-US Homeland Security Investigations (ICE-USHSI) tungkol sa isang tao na nambubugaw ng mga menor de edad na Pinay.

Napag-alaman ng NBI na ibinibenta ang mga bata sa halagang $50 hanggang $60 at ito ay inihuhulog sa mga remittance center. (Jeffrey G. Damicog)

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...