NAGPARAMDAM sina John Paul Bugaoan at Raymond Bautista sa net para pamunuan ang Far Eastern University sa 25-19, 25-22, 25-13 panalo kontra sa sibak ng University of the East kahapon sa UAAP Season 79 men’s volleyball tournament sa San Juan Arena.
Pinutol ng Tamaraws ang three-game losing skid at nakamit ang unang panalo sa second round na nag -angat sa kanila sa 6-5 karta.
Pinalakas din ng Tamaraws ang tsansa nilang makopo ang huling dalawang Final Four slots at makasama ng mga nauna ng umusad na Ateneo de Manila (10-0) at National University (9-1).
'Iconic women!' Pinakamalaki at pinakamaliit na babae sa buong mundo, nagkita!
Nagtala sina Bugaoan at Bautista ng pinagsamang walong block sa kabuuang 12 na itinala ng Tamaraws.
Nagtapos si Bugaon na may 14 puntos bilang topscorer para sa FEU at sinundan siya ni Greg Dolor na may 12-puntos.
Dahil sa kabiguan, bumagsak ang Red Warriors sa 1-10 marka.
Namuno naman si Edward Camposano para sa Red Warriors sa itinalang siyam na puntos. (Marivic Awitan)
