Maagang naperwisyo ang mga pasahero ng Metro Rail Transit (MRT)-Line 3 kahapon.
Dakong 7:04 ng umaga, sapilitang pinababa ang mga pasahero sa isang tren ng MRT na tumirik sa southbound ng Cubao Station sa Quezon City sanhi ng problemang teknikal.
Tumanggap ito ng Category 3 status, na ibig sabihin ay tinanggal ito nang walang kapalit. Makalipas ang ilang minuto ay agad ding bumalik sa normal ang biyahe ng mga tren ng MRT-3. (Bella Gamotea)
