NAGING talk of the town si Xia Vigor noong nakaraang linggo dahil sa impersonation niya kay Taylor Swift sa Your Face Sounds Familiar Kids at napansin siya hanggang Hollywood. Tinawagan ng staff ni Ellen Degeneres ang staff ng programa at kumuha ng impormasyon tungkol sa bata.
Last weekend, nagpahayag ang tatay ni Xia na ino-offer-an ang bagets para gumanap sa pelikula tungkol kay Shirley Temple.
Hindi pa tapos ang pagiging viral online ng pitong taong gulang na si Xia dahil nitong nakaraang Linggo ay umani na naman siya ng papuri sa performance niya as Axl Rose ng Guns ‘N Roses at nakatanggap siya ng perfect score na 24 points mula sa mga huradong sina Gary Valenciano, Ogie Alcasid at Sharon Cuneta.
Classic movie ‘Ipaglaban Mo!’, ipinalabas ng CCP bilang kampanya vs VAWC
Si Xia ang nanalo sa ikatlong linggo at tumanggap ng P50,000 cash at 50,000 worth of toys na ibinigay naman niya sa kanyang napiling charity, ang Lingap Pangkabataan, Inc.
Napanood namin ang performance ni Xia sa online at napakagaling talaga niya, binabaan at ginawang husky ang boses para magboses lalaki ang isa sa mga bida ng teleseryeng Langi’t Lupa na pati buhok sa kili-kili ay ginaya rin.
Tawa nang tawa si Shawie habang nagpe-perform si Xia na kuhang-kuha pati antics ni Axl Rose. Mahirap nga namang gayahin ang boses ng lalaki pati ang performance nito.
Pumangalawa kay Xia si Awra na nakakuha ng 20 puntos bilang si Rihanna at third naman si Elha Nympha na ginaya si Meghan Trainor at si Justin Alva as Francis Magalona na nakakuha ng tig-17 points. (REGGEE BONOAN)
