ISULAN, Sultan Kudarat – Nadakip ang tatlong katao sa magkakahiwalay na buy-bust operation ng Sultan Kudarat Police Provincial Office nitong Martes.
Dakong 2:00 ng hapon nang pamunuan ni Senior Insp. Joan Resureccion, ng President Quirino Police, ang unang buy-bust na ikinaaresto ni Ariel Tamayo, 48, may asawa, ng Purok Rosas, Poblasyon.
Bandang 7:00 ng gabi naman nang maaresto sa isa pang operasyon si Glen Aguilar y Genota, 36, negosyante, ng Barangay Buenaflor, Tacurong City.
Nasakote rin naman sa buy-bust sa Purok Sampaguita, Bgy. Buenaflor, Tacurong si Ricky Olarte y Moises, 22, binata, ng Purok New Rosario. (Leo P. Diaz)
Probinsya
