LINGAYEN, Pangasinan – Limang drug personality ang magkakasunod na inaresto kahapon sa magkakahiwalay na buy-bust operation sa apat na bayan sa probinsiyang ito.
Ayon sa Police Community Relations (PCR) ng Pangasinan Police Provincial Office, ikinasa ang buy-bust sa Urdaneta City, Bugallon, Calasiao at Bolinao at lima ang nadakip habang may kabuuang 10 plastic sachet naman ng hinihinalang shabu ang nakumpiska.
Arestado sa Bugallon sina Kenneth Chan, 23, taga-Barangay Burgos, Mangatarem; habang nadakip naman sa Urdaneta sina Jose Val Garcia, 30; at Gilbert Garcia, 30, kapwa ng Bgy. San Vicente.
Inaresto naman si Joy Camba, 39, walang trabaho, sa Bgy. Concordia, Bolinao; at si Ramonchito Gonzales, 54, ang dinakip sa Bgy. Poblacion East sa Calasiao. (Liezle Basa Iñigo)
