Mga Laro sa Sabado (Olivarez Sports Center)

12 n.u. -- BulSU vs Diliman

2 n.u. -- UB vs CDSL

Target ng Colegio de San Lorenzo ang No.4 spot sa semifinal sa pakikipagtuos sa University of the Batangas ngayon sa Universities and Colleges Basketball League (UCBL) sa Olivarez Sports Center sa Paranaque City.

Tatay kay Karl Eldrew: 'Tahimik mong ipanalo mga pangarap mo, dito kami ng Mama mo!'

Katabla ng CDSL Griffins ang Bulacan State University Gold Gears sa No.4 tangan ang parehong 4-6 karta, ngunit makukuha nila ang karapatan na makausad sa Final Four kung magwawagi sa UB Brahmans sa kanilang laro ganap na 2:00 ng hapon.

Sakaling mabigo, at manalo ang Gold Gears kontra Diliman College Blue Dragons sa unang laro sa 12 ng tanghali, ang BulSu ang lalaban sa No. 1 Centro Escolar University sa cross-over semifinal.

Makukuha pa rin ng Griffins ang No.4 spot sakaling kapwa magwagi sa laban dahil sa mas mataas na quotient.

Natalo sila sa Gold Gears, 85-84, ngunit naitala nila ang dominanteng 94-88 panalo sa unang paghaharap sa elimination round.

Bilang No. 4 seed, kakailanganin nilang magapi ang Scorpions ng dalawang ulit para makausad sa championship round. Maghaharap sa hiwalay na Final Four match ang No. 2 seed Technological Institute of the Philippines at No. 3 Olivarez College.