Aiza, natulala nang makaharap si Viola Davis-Balita

SA isang donut outlet sa JFK International Airport terminal sa New York nakita ni Aiza Seguerra ang iniidolong American producer, film, stage and TV actress na si Viola Davis.

Si Davis ay nakilala sa mga pelikulang Kate & Leopold (2001) at Far From Heaven (2002), at sa TV series na Law & Order: Special Victims Unit. Nanalo siya ng 2001 Tony Awards for Best Featured Actress in a Play para sa original productions ng King Hedley II.

Nakapila ang singer at National Youth Commission (NYC) Chair para bumili ng kape para sa misis na si Liza Diño habang naghihintay ng kani-kanilang flight patungong Los Angeles at San Francisco, respectively, nang makilala ni Aiza ang boses ng taong nasa harapan niya.

Patungong Los Angeles, California si Aiza para um-attend sa taunang Gawad Amerika at dadalo naman si Liza para sa isang fundraising event ng PAWA (Philippine American Writers Association) sa San Francisco.

Hindi naitago ni Aiza ang excitement nang makaharap si Viola Davis. Sa kanyang Facebook wall ibinulalas ni Aiza ang kanyang nararamdaman, saad niya, “Homaaaaaygaaaahdddd!!!! Nakapila ako sa Dunkin Donuts para bumili ng kape for my misis nang bigla na lang ako natulala dahil parang pamilyar ‘yung taong nasa harap ko na bumibili ng kape. Tapos biglang nagsalita! Homaaaaaaaygaaaaaaahdddd!!! Si Viola Davis!!!! I ran back to Liza para sabihin sa kanya tapos after ilang minutes, umupo sa harap ko dito sa terminal! Homaaaaaygaaaaaaaaahddddd!!!!Natata_ ako!!!!!!”

Agad kaming nagpadala ng private message kay Liza, chair ng Film Development Council of the Philippines (FDCP), na agad din namang tumugon sa ilang katanungang ibinato namin sa kanya.

“Si Aiza STARSTRUCK. Walang masabi. Ako pa nagsalita para magpa-picture. Kakatawa siya! As in tulala siya! Super love nya grabe si Viola,” sagot niya sa amin via Facebook messenger.

Pero fan mode din si Liza nang makaharap na ang Hollywood celebrity, sabi niya sa kanyang FB post: “Uuuhhhh, Viola Davis is right in front of us and she just said yes to a PHOTO!Aaaaahhh...#fanmode on! I wanna pee in my pants right now. Idol!!! Plus she’s super NICE!”

Nakatakdang bumalik ng bansa ang mag-asawang Aiza at Liza ngayong araw pagkatapos ng halos dalawang linggong pananatili sa Amerika. (LITO MAÑAGO)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...