Muling sasabak ang walang talong si junior lightweight prospect Harmonito dela Torre sa United States sa kanyang pagsalang sa Nobyembre 11 sa WinnaVegas Casino and Resort sa Sloan, Iowa.
Haharapin ni Dela Torre (18-0, 12KO’s) si Jose Luis Araiza (31-18, 22KO’s) ng Mexico sa isang non-title eight rounder.
Nakalinya sanang labanan ni Dela Torre si Frank Trader ng Philadelphia.
Ayon kay Sanman Promotions CEO Jim Claude Manangquil, umatras si Trader matapos mabalian ng ilong sa sparring.
Basketbolistang lumabag sa 'anti-drug program' ng NBA, suspendido ng 25 games, lugi rin ng ₱690M!
Matikas ang debut ni Dela Torre sa New York nang gapiin si Guillermo Sanchez via majority decision.
Nagsasanay ang 22-anyos na si Dela Torre sa Florida.
Noong 2014, ginapi niya si Isack Junior ng Indonesia via KO sa ikaapat na round sa Gen. Santos City para makopo ang WBF world super featherweight title.
