LIBACAO, Aklan - Agad na namatay ang isang magpinsan matapos silang aksidenteng makuryente nang napadaan sa isang compound sa Barangay Poblacion sa Libacao, Aklan.
Ayon kay PO2 Marlouie Abilar, Miyerkules ng madaling araw at galing sa pamimingwit ng isda sa ilog sina Joel Gabi, 22; at John Dave Gabi, 18 anyos.
Ang ilog ay nasa likod ng bahay ng pamilya Zonio, at hindi napansin ng magpinsan ang live wire na nakaharang sa kanilang dadaanan hanggang sa kapwa sila makuryente.
Ayon kay Abilar, naglagay ng live wire ang pamilya Zonio sa paligid ng bahay nito dahil lagi ang mga itong nananakawan ng alagang manok. (Jun N. Aguirre)
Probinsya
