GENERAL SANTOS CITY – Inaresto kahapon ng awtoridad ang isang hinihinalang miyembro ng Pentagon kidnap gang sa President Quirino, Sultan Kudarat.
Kinilala ni Sultan Kudarat Police Provincial Office Director Senior Supt. Raul Supiter ang nadakip na si Jimmy Talimbo, taga-Salipada Pendatun, Maguindanao.
Ayon kay Supiter, sakay si Talimbo sa kanyang motorsiklo nang maharang ng mga pulis at sundalo sa Barangay Katiku, President Quirino.
Kinasuhan ang suspek ng kidnapping for ransom kay Karen Lapaz, estudyante ng University of Southern Mindanao sa Kabacan, North Cotabato noong 2000. (Joseph Jubelag)
Probinsya
