Bahagya lamang pinagpawisan ang FEU-Nicanor Reyes Medical Foundation sa pagtaob sa Jamfy Pioneers-Secret Spices, 103-63, para manatiling walang galos sa 2016 MBL Open basketball tournament sa Aquinas gym sa San Juan.
Nagsanib puwersa sina Christian Manalo, Clay Crellin at Dexter Zamora para sa FEU-NRMF na nangunguna sa standings tangan ang 3-0 karta.
Kumana ang 5-foot-11 na si Manalo sa naiskor na 26 puntos.
Maagang nag-init ang opensa nang dalawa para maitarak ang panalo sa torneo na itinataguyod ng Smart Sports, Ironcon Builders, Star Bread, Dickies Underwear at Gerry’s Grill.
Goodbye PBA? John Amores, tinanggalan na ng professional license!
Nag-ambag si Crellin, high-flying Fil-Canadian sensation,sa nakubrang 17 puntos, habang kumana si Zamora ng 14 puntos.
Ang ex-PBA players na sina Egay Billiones at Roider Cabrera at Joseph Gabayni at Francis Camacho ay may tig-walong puntos.
Nagsalansan ng 14 puntos si John Apacible.
Iskor:
FEU-NRMF (103) -- Manalo 26, Creelin 17, Zamora 14, Biliones 8, Cabrera 8, Gabayni 8, Camacho 8, Rodriguez 5, Asoro 4, Tan 3, Raymundo 2.
Jamfy (63) -- Apacible 14, Mabigat 12, Castro 9, Cuevas 6, Jimenez 5, Diaz 5, Murillo 3, T.Santos 2, K.Santos 2, Castillo 2, Basco 2, Zapanta 1, Fernandez 0, Sy 0, Llabres 0.
Quarterscores
19-17, 45-32, 75-58, 103-63.
