PAPAYAG si Heart Evangelista na makipagbalik-tambalan kay Jericho Rosales kung sakaling may offer na magsama sila sa isang pelikula.

“You know, at the end of the day, we got bills to pay,” sabi ni Heart. “We’re gonna be practical.”

Maayos na ba ang samahan nila ni Jericho, dahil open na siyang magkatrabaho sila?

ALAMIN: Mga dapat malaman at gawin upang maging ligtas sa ‘tsunami’

“I don’t know, kasi after the break-up wala na, hindi na kami nagkita. Okay lang siguro, I don’t know, ask him. I’m okay, I’ve been okay, there’s no issue. I have no problems working with him,” sagot ni Mrs. Escudero.

Kapag napapanood sa TV o nakikita niya si Jericho sa print o sa billboard, ano ang nararamdaman niya?

“Okay naman. We didn’t have a problem with each other naman talaga, it’s a known fact that it was my parents who didn’t want us together, so I don’t at all hate him,” sabi ng aktres.

May closure na ba sila? Ang natatandaan kasi namin, bigla na lang napabalitang hiwalay na sila pagdating ng aktor galing Malaysia nang mag-shoot ng seryeng Kahit Isang Saglit kasama si Carmen Soo.

“Yes! He got married and I got married, that’s good enough closure,” natawang sagot ng aktres at nagbiro pang, “tulad nina Jennifer Aniston (at Brad Pitt), may closure na, di ba?

Samantala, nagpaka-Boy Abunda ang ilang katoto sa kinky questions nila kay Heart.

Sino ang madalas magyaya o mangalabit sa kanilang mag-asawa?

“My God, I think pareho lang kami, the relationship is very new, so pareho lang kami.”

Gabi-gabi?

“Hindi naman gabi-gabi, but in a week of course.”

Best time for sex?

“Gabi, pareho (kami) gabi.”

Lights on o lights off?

“Lights off.”

Is it sex or chocolates?

“Sometimes chocolates, ha-ha-ha-ha.”

Nalaman naming kanya-kanyang pera pala sina Heart at Sen. Chiz at pati pagbabayad ng bills ay kanya-kanya rin.

“I’m very independent, wala siyang ‘binibigay, well, of course ‘pag nagdi-date kami, sagot niya, but with other things, akin. Kasi technically now, kapitbahay pa kami, pero he lives with me, isang compound lang kami sa Woodside (subdivision), so townhouse ‘yun.

“But of course, we have to move our own soon, I’ll make a house, so they’ll move with me. Matagal ko nang pinapagawa ‘yung house, ‘binabahay ko na siya,” pagtatapat ni Heart.

Hindi ba lalaki ang dapat mag-provide ng bahay para sa pamilya niya?

“It’s better like that, kunwari, when I have my own, it’s different, we’re very modern, we’re Filipino, ganyan. But again, we have a modern family, it’s same with my family.

“Kasi my dad was married before and my mom was married before, his and hers, ours, sila. Parang ganu’n din mangyayari sa amin and it’s better and I don’t like to talk about money. And nowadays, kung sino ‘yung mas kumikita, bakit ka magpapaka-selfish?

At habang wala pang sariling bahay ang mag-asawa... “Tulog siya sa akin everyday, every night, the kids stay in their house pero magkakasama kami ‘pag dinner everyday. Malapit lang naman kasi ang bahay nila, konting lakad lang.”

Wala silang conjugal property dahil may pre-nup pala silang mag-asawa.

“Oo, wala (conjugal), love lang kami,” nakatawang sabi ni Heart. “Kasi nga, we have a pre-nup, both. So what’s mine before and after will be mine, ganu’n din sa kanya, kasi we have a modern family. I don’t like to discuss about money, he has two children and then I’ll have rin my own, so ayoko ng may mag-aaway-away pa or what. So anuman ‘yung sa kanila, kanila para malinis,” paliwanag ni Heart.

At kung lilipat na si Senator Chiz sa sa bahay na ipinagawa niya, ano ang magiging kontribusyon nito?

“Mag-uusap pa lang kami, ha-ha-ha,” natawang sagot ni Heart.