SA October 22 gaganapin ang taunang Star Magic Ball. Kuwento ni Ms. Thess Gubi, ang PR head ng talent ang management agency ng ABS CBN, ngayon pa lang daw ay pinaghandaan na nila ang nasabing event.
Hindi lang mga staff ng Star Magic ang nag-uusap-usap para sa Star Magic Ball kundi pati na ang mga executive ng istasyon. Bukod din daw sa mga alaga nilang artista ay may ibang mga artista silang iimbitahan.
Siyempre, hindi mawawala ang red carpet sa Star Magic Ball na laging inaabangan ng fandom. Kaya naman ganoon na lang ang paghahanda ng mga artista at executives ng network sa mga isusuot nila.
Laging may mga nagaganap sa Star Magic Ball na pinag-uusapan nang husto, ganoon pa rin kaya ngayong taon?
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Basta abangan na lang ninyo kung sino ang magkaka-date sa araw na ‘yun at kung sino ang may pinakabonggang kasuotan,” sey ni Ms. Thess.
Pati venue ng sikat na okasyon ay lihim pa rin.
“Well, bawal pa rin kasing sabihin,” sey niya sa amin.
Hmmm, talagang kaabang-abang na naman! (Jimi Escala)
