Hindi naging dahilan ang edad ng isang matandang babae na umano’y kasama sa drug list ng Manila Police District (MPD)-Station 9, upang hindi siya arestuhin ng mga awtoridad, kasama ang dalawa pang drug suspect, sa ikinasang buy-bust operation sa Malate, Manila kamakalawa ng gabi.
Ang mga suspek ay kinilalang sina Julie Pranco, alyas “Vietnamese”, 71, dalaga, ng 2404 Arellano Avenue, Singalong, Malate, Manila; Jose Suazo, 35, at Dennis Quililan, 34, kapwa residente ng 1264 Marconi Street, Makati City.
Sa ulat ni Police Supt. Romeo Odrada, station commander ng MPD-Station 9, kay MPD Director Police Supt. Joel Napoleon Coronel, dakong 10:30 ng gabi ikinasa ang buy-bust operation laban sa mga suspek sa Arellano Avenue.
Hindi naman nanlaban at mapayapang sumuko sa mga awtoridad ang mga suspek.
Archdiocese of Manila, hindi mag-eendorso ng kandidato sa eleksyon
Narekober ng Station Anti-Illegal Drugs-Special Operations Task Unit (SAID-SOTU), sa pangunguna ni Police Senior Insp. Fernildo de Castro, ang anim na pakete ng shabu, na nagkakahalaga ng P1,800 at tatlong P100.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
(Mary Ann Santiago)
