Hindi pabor si Lipa Archbishop Ramon Arguelles na maging opisyal ng Parish Pastoral Council for Responsible Voting (PPCRV) ang mga dating commissioner ng Commission on Elections (Comelec).
“I don’t see the wisdom of electing Comelec commissioners to the PPCRV. It makes me believe more and more that PPCRV is less and less truly the watchdog of the citizens against possible Comelec misdemeanor,” ayon kay Arguelles.
Ang pahayag ni Arguelles ay kasunod ng pagkakahalal kay dating Comelec Commissioner Rene Sarmiento bilang PPCRV head.
Noong 2011, hindi rin umano tanggap ng lider ng simbahang Katoliko na ilagay bilang vice chairman ng PPCRV si dating commissioner Gregorio Larrazabal.
PBBM admin, nagsisilbing ‘totoong kalamidad’ sa ‘Pinas – Maza
Nang nagmistulang abogado na umano ng Comelec ang PPCRV, nagdesisyon na ang archdiocese ni Arguelles na dumistansya sa nasabing watchdog.
Sa interview naman kay Sarmiento, sinabi nitong ang kanyang loyalty ay nakatuon na sa PPCRV, at hindi na sa Comelec.
“I have already retired as Comelec Commissioner. My loyalty to the Comelec has also retired. My loyalty now is to the PPCRV,” ani Sarmiento na inaasahang uupo sa watchdog mula November 1, 2016 hanggang October 31, 2022.
(Leslie Ann G. Aquino)
