UST at NU, magkakasubukan sa V-League

By Balita Online

August 21, 2016

In FEATURES

Mga laro ngayon

(Philsports Arena)

4 n.h. -- UST vs NU

6 n.g. -- Ateneo vs TIP

Sisimulan ng University of Santo Tomas at National University ang kani-kanilang quarterfinal campaign sa kanilang pagtatapat ngayong hapon sa unang laro ng Shakey’s V-League Season 13 Collegiate Conference sa Philpsorts Arena sa Pasig City.

Ang Tigresses ang ikatlong koponan na pumasok sa quarterfinals sa Group B hawak sa naitalang barahang 2-2, habang ang Lady Bulldogs ang topnotcher sa Group A sa naitalang 3-1, kapantay ng San Sebastian College.

Batay sa format, ang top 3 team ng bawat grupo matapos ang eliminations ang uusad sa quarterfinals na isang single playoff round kung saan ang mangungunang apat na koponan ang uusad sa semis.

Sa quarterfinal round bibitbitin ng mga qualifiers ang kanilang record sa eliminations at hindi na nila makakalaban ang mga dating kagrupong koponan.

Inaasahang parehas nang kumpleto ang magkabilang panig sa kanilang paghaharap kung kaya’t matinding pukpukan ang matutunghayan sa pagtatapat ng Tigresses at Lady Bulldogs kung saan magkatunggali ang dating magkakamping sina Jaja Santiago at Cherry Rondina.

Sa tampok na laro, pag-aagawan naman ng Ateneo at Technological Institute of the Philippines ang ikatlo at huling quarterfinals berth sa Group A sa kanilang pagtutuos ganap na 6:00 ng gabi.

Naitakda ang nasabing playoff match nang tumabla ang Lady Eagles sa Lady Engineers sa barahang 2-2, kasunod ang naitalang 25-15, 27-25, 25-17 panalo ng Ateneo sa defending champion NU noong nakaraang Miyerkules. (Marivic Awitan)

VP Sara sa mga manggagawa: ‘Nawa’y manatili tayong matatag para sa tunay na kaunlaran’

Binigyang-pugay ni Vice President Sara Duterte ang mga manggagawang Pilipino ngayong Labor Day, Mayo 1, at hiniling na nawa’y manatili silang “matatag, matiyaga, at mapagpursige” para sa tunay na kaunlaran at makabuluhang pagbabago sa bansa.Sa isang video message, ipinaabot ni Duterte ang kaniyang pagsaludo sa mga manggagawang Pilipinong patuloy na nagsusumikap upang maabot ang pag-unlad ng...

Grupo ni Teresita Ang See, kinondena pagdawit sa anak ni Anson Que bilang utak sa krimen

Naglabas ng opisyal na pahayag ang Movement for Restoration of Peace and Order (MRPO) laban sa Philippine National Police (PNP) dahil sa pagkakadawit ng anak ng negosyanteng si Anson Que, na si Alvin Que, bilang umano'y mastermind sa pagpapakidnap at pagpaslang sa kaniyang sariling ama noong Abril.Itinuro ng nahuling suspek na si David Tan Liao ang anak na Que na umano'y nasa likod ng...

PBBM, nangakong hindi pababayaan mga manggagawa

“Taimtim ang aming paninindigang kayo ay hindi pababayaan…”Ipinangako ni Pangulong Ferdinand “Bongbong” Marcos Jr. na patuloy na isusulong ng kaniyang administrasyon ang kapakanan ng mga manggagawa at sa pagbuo ng isang lipunang “patas” at “makatarungan.” Sa kaniyang mensahe sa “Labor Day” nitong Huwebes, Mayo 1, kinilala ni Marcos ang bawat hirap at pagsasakripisyo ng mga...