Weightlifting School, itatatag ni Diaz-Balita

Edukasyon muna bago gymnasium.

Ito ang panuntunan na nais maisulong ni Rio Olympics silver medal winner Hidilyn Diaz para sa mga kabataan na nagnanais na sundan ang kanyang mga yapak.

Tatawaging Hidilyn Weightlifting School, nakakuha ng ayuda ang 24-anyos na weightlifter mula sa Alsons Consolidated Resources.

Sinabi mismo ni Diaz, kasama sina Zamboanga City Councilor at dating national coach Elbert Atilano, coach Alfonsito Aldanete at teammate na si Nestor Colonia na makakamit niya ang pangarap na maipatayo ang isang weightlifting gym sa tabi ng kanilang tahanan sa Zamboanga City.

“We want to help her (Diaz) with the educational scholarships and on putting up her soon to be called Alson-Hidilyn Diaz Weightlifting School,” sambit ni Alsons Corporate Communications Manager Oscar Benedic Contreras III sa isinagawang media conference kahapon.

“We do give scholarships to the kids as part of our corporate social responsibility and we want to help her with her project in mind, details of which will be discuss and develop with based on what she wanted to be with her school,” pahayag ni Santillan.

“Our trust is really to improve education of our youth and now with young athletes.”

Ipinaliwanag naman ni Atilano, kasalukuyang Vice-President at head ng Technical Commission ng Philippine Weightlifting Association (PWA), na kanilang i-aadopt ang isinusulong na programa ng probinsiya na dapat munang mag-aral ang mga kabataan bago nito turuan at isabak sa pag-aaral ng weightlifting.

“We value the education of our youth dahil noong time namin, marami kami nagbubuhat pero dalawa lang yata kami na nakatapos ng pag-aaral. Kaya napagusapan namin ni Heidi (Diaz) na dapat naka-enroll muna ang isang bata bago siya makapagsanay sa bubuuin nitong gym,” sabi ni Atilano.

Hindi naman sinabi ang kabuuang halaga nang ibibigay ng Alsons subalit susundin nito ang anumang naisin ni Diaz para sa pagbibigay edukasyon sa mga kabataan kabilang na ang posibleng allowances, pasilidad at kagamitan sa bubuin nito na gym pati na rin sa pagtatayo ng eskuwelahan.

Nakatakda naman magtungo sina Diaz sa Senado para sa courtesy call sa mga Senador gayundin sa Philippine Air Force kung saan nakatakda itong bigyan ng promosyon para sa kanyang pagbibigay karangalan sa Pilipinas sa Olympics.

Tumanggap ng kabuuang P7.5 milyon cash incentives si Diaz, gayundin ang bagong pabahay na kaloob ng Davao-based 8990 Deco Homes. (Angie Oredo)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...