LA PAZ, Tarlac – Limang katao ang nasugatan makaraang magkarambola ang tatlong sasakyan sa La Paz-Sta. Rosa Road sa Barangay San Roque, La Paz, Tarlac.
Sa report ni SPO1 Dominador Yadao, nasugatan sina Paulo Pineda, 15, driver ng tricycle (RL-1943), ng Bgy. San Roque; Reden James Timbang, 14, ng Bgy. San Isidro; Arnel Pancho, 15, ng Bgy. Roque, La Paz, Tarlac; Linardo Cerezo, 22, ng Bgy. Bukbukin, Aguilar, Pangasinan; at Victor Moral, 45, may asawa, ng Bgy. Balingcanaway, Tarlac City.
Dakong 3:00 ng hapon, patungong silangan ang tricycle ni Pineda nang makabangga ang kasalubong na jeep, na minamaneho ni Moral, at ang motorsiklo ni Cerezo. (Leandro Alborote)
Probinsya
