BAUAN, Batangas - Tatlong heavy equipment na ginagamit sa road widening ang umano’y ninakaw sa isang construction firm na pag-aari ng alkalde sa isang bayan sa Batangas.
Ayon sa report ng Batangas Police Provincial Office (BPPO), dakong 7:30 ng umaga nitong Hulyo 25 nang matuklasang nawawala ang kagamitan ng NBL Construction Supply, na pag-aari umano ni Mabini Mayor Noel Luistro.
Nawala umano sa Barangay San Roque sa Bauan ang brand new hydraulic breaker, na nagkakahalaga ng P400,000; road roller at walk behind roller na parehong nagkakahalaga ng P200,000.
Posible umanong gumamit ng boom truck o malaking kagamitan ang mga suspek sa pagtangay sa mga nabanggit na heavy equipment, ayon sa pulisya. (Lyka Manalo)
Probinsya
